Árni Sveins var löngu búinn að fatta þetta!!

 

Á þeim árum sem Árni Svein, einn af leikjahæstu landsliðsfyrirliðunum og Skagamaður  spilaði með Stjörnunni, þá klikkaði kallinn ekki úr víti og öll voru þau svona. Reyndar aðeins meira upp í þaknetið út við stöng en hann bætti það með því að þruma boltanum yfir 150 km. hraða. Hef ekki séð jafn örugga vítaskyttu síðan á tímum Árna!


mbl.is Hin fullkomna vítaspyrna fundin
Tilkynna um óviðeigandi tengingu við frétt

Jóhanna er ekki að átta sig á stöðu mála í landinu!

 

Það á sem sagt ekkert að gera! Framsókn, Sjálfstæðismenn og VG eru þeir einu sem eru að koma með einhverjar hugmyndir. Samfó, hvað er í gangi????

Við viljum að eitthvað sé gert. Að loka sendiráðinu í Svíþjóð er bara ekki nóg. Þið eruð gjörsamlega hauslaus eftir að Ingibjörg hætti. Meira að segja Össur segir ekki orð!!!!!

Gylfi, nú skaltu leggja frá þér þennan hroka og koma með einhverjar 2009 tillögur úr því 2007 tillagan hanst Tryggvar var ekki nóguð góð fyrir þig.

Mundu Gylfi, þú ert ekki lengur HÁSKÓLAPRÓFESSOR. NÚ ÞARFTU AÐ TAKA ÁKVÖRÐUN SEM SKIPTIR MÁLI OG ÞÚ VERÐUR DÆMDUR ÚT FRÁ ÞVÍ ÞAÐ SEM EFTIR ER. EKKI VERA ÞEKKTUR FYRIR AÐ VERA HAGFRÆÐINGURINN SEM GERÐI EKKI NEITT í hagfræði ritinu. Þá hefðirðu betur geta sleppt því að gefa kost á þér í þetta embætti.


mbl.is Hafnar flatri niðurfærslu skulda
Tilkynna um óviðeigandi tengingu við frétt

Í HVAÐA SÆTI ERU KJÓSENDUR OG ÞEGNAR ÞESSA LANDS!!!

Það var einmitt þetta sem ég hjó eftir líka. Það sem skiptir greinilega EKKI mestu máli er hvernig á að koma landsmönnum og þjóðinni úr þessari klípu. Það þýðir ekkert að vísa umræðunni stanslaust á eitthvað annað en að vandamálinu sjálfu. Fyrst var það Davíð, nú er hann farinn þannig að næst á greinilega að beina allri umræðu að sjálfstæðisflokknum. Ætlið fólk sé ekki dómbært á það sjálft að finna blóraböggul. Auk þess sem það er sérstakur saksóknari að leita þá uppi. Það sem kjósendur vilja núna eru LAUSNIR! og aftur LAUSNIR!!! 


mbl.is Vinstristjórn lífsnauðsyn
Tilkynna um óviðeigandi tengingu við frétt

Björn á að halda áfram í Idolinu.

Átti ekki Bubbi líka í viðskiptum við sölumenn fíkniefna á sínum tíma? Og gott ef ekki að hann hafi einnig setið inni fyrir slíka háttsemi, án þess þó að ég hafi staðfestingu á því. Ef það er ár síðan Björn var í neyslu þá get ég alveg trúað honum fyrir því að hafa snúið baki við slíkum ólifnaði. Þangað til annað kemur í ljós.

 Ég tel þetta ekki áfall fyrir Stöð 2. Þvert á móti á Björn Jörundur eftir að slá í gegn í þessum þáttum. Hann ber af öllum þessum dómurum sem hafa komið við sögu í þessum þáttum hingað til og gefur þættinum betra líf og þá sér í lagi góðan húmor. Ég skora á Pálma og stöð 2 að styðja við bakið á Birni, þ.e.a.s. ef Björn hefur snúið baki við neyslu fíkniefna. Hann ætti þess vegna að koma fram og tala um þá reynslu sína, öðrum til vítis og varnaðar. Fáum mönnum er gefin jafn mikil frásagnargáfa og hann myndi án efa koma þeim sögum frá með skemmtilegum en áhugaverðum hætti. 

Burt með fíkniefnin, áfram með Björn og Idolið


mbl.is Björn Jörundur viðurkennir mistök
Tilkynna um óviðeigandi tengingu við frétt

Átti ekki Bubbi líka í viðskiptum við fikniefnasala á árum áður?

 

Í því ljósi sé ég ekki ástæðu til að Björn Jörundur hætti sem dómari í Idolinu. Hann er klárlega einn skemmtilegasti dómari sem hefur komið fram í þessum annars ágætu þáttum. Eini munurinn á Birni Jörundi og Bubba er sá að það eru fleiri ár síðan Bubbi átti í viðskiptum við fíkniefnasala. Ég get ekki annað en trúað orðum Björns Jörundar um að hann hafi snúið baki við neyslu fíkniefna. Þangað til annað kemur í ljós. Batnandi mönnum er best að lifa. 


mbl.is Bíður yfirlýsinga frá Idol-dómara
Tilkynna um óviðeigandi tengingu við frétt

NÚ ER TÆKIFÆRI - PBS Á ÍSLANDI!!

Nú er aldeilis tækifæri til að stofna PBS eða sambærilega net-sjónvarpsstöð á Íslandi

Frétta og heimildamiðill sem er rekinn af frjálsu framtaki fólksins í landinu.

Hérna er linkur þar sem hægt er að horfa á ómengaða og alvöru heimilda/ frétta vinnu

http://www.pbs.org/wgbh/pages/frontline/

Simmi og Ella, ég skora á ykkur að fá Kompásmenn með ykkur og fleiri góða og heiðvirta fréttamenn og taka þetta alla leið!

 

 


mbl.is Frjáls undan oki auðjöfra
Tilkynna um óviðeigandi tengingu við frétt

Tækifæri á að stofna PBS stöð á Íslandi!

 

Nú er aldeilis tækifæri til að stofna PBS eða sambærilega sjónvarpsstöð á Íslandi

Sjónvarpsstöð á netinu, rekin á frjálsu framlagi frá fólkinu í landinu.

Hérna er linkur þar sem þið getið séð alvöru heimilda og fréttavinnu

http://www.pbs.org/wgbh/pages/frontline/

Sigmundur, ég skora á þig að fá Kompásmenn með þér og fleiri góða fréttamenn og taka þetta alla leið!


mbl.is Kompás lagður niður
Tilkynna um óviðeigandi tengingu við frétt

"Hinir ábyrgu sýna almenningi löngutöng" - VS - Kvikmyndin The Queen

Ég las viðtal Jóns Hákons Halldórssonar  við Gylfa Magnússon, dósent í hagfræði inn á Vísir.is. 18. jan. 2009

Ágætis viðtal og margt athyglisvert sem kemur þar fram og því miður mikið til í sjálfri fyrirsögninni. "Hinir ábyrgu sýna almenningi löngutöng"

Eftir að ég hafði lesið greinina horfði ég á óskarsverðlaunamyndina The Queen á Stöð 2 bíó.Virkilega vel unnin mynd og frábær leikur hjá Helen Mirren.

Þetta er ekki í fyrsta skipti sem ég horfi á þessa mynd. Ég hef séð hana tvisvar áður. En aldrei hafði hún snert mig svona sterkt eins og í þetta skipti.

Það sem gerði það að verkum að ég upplifði The Queen með öðrum hætti nú en áður, var sú staðreynd að ég og margir íslendingar erum að upplifa svipaðar tilfinningar og almenningur í Bretlandi upplifði daginn sem að Díana dó. Sérstaklega þó vikurnar þar á eftir.
Ég á þá ekki eingöngu við um áfall almennings vegna fráfalls Díönu sjálfrar, heldur fyrst  og fremst viðbrögð Englands drottingar í kjölfar dauða Díönu. Sú reiði og  vonbrygði í garð hins fullkomna yfirvalds, drottningar í þessu tilvikiu, sem fylgdu í kjölfarið.

Ég á tiltölulega auðvelt með að heimfæra þessa upplifun yfir á ástandið hérna heima. Eina sem ég tel vera frábrugðið í þessum samanburði er vissulega sú staðreynd að yfirvaldið á íslandi er kosið af almenningi. Drottningin er erfingi embættisins.

Þessa stundina erum við að syrgja dauða íslensks hagkerfis. Við erum vissulega búin að vera leita af þeim sem bera ábyrgð. En að því slepptu þá eru það viðbrögð stjórnenda og yfirvaldsins vegna dauða hagkerfisins sem vekja mesta athygli þessa stundina.  Er skortur á skilningi yfirvalda í garð almennings?

Ég mæli með því að fólk og ekki síður yfirvaldið og stjórnendur horfi á The Queen með þessum augum.
Góða skemmtun
mbl.is Skipta út þeim sem sigldu skútunni í strand
Tilkynna um óviðeigandi tengingu við frétt

Var Arsenal ekki að spila á sama velli og Man Utd?

Þetta finnst mér afar aum afsökun frá svona reyndum þjálfara eins og Wenger. Hann greinilega hugsar ekkert út í það að leikmenn Man Utd voru að spila á sama erfiða vellinum. Það væri líka allt í lagi að benda honum á að nokkrir leikmanna Man Utd eru töluvert verðmætari heldur en leikmenn Arsenal og ekki kvartaði Ferguson eða hans menn yfir aðstæðum.

Þessi afsökun er svo léleg. Að kennab aumum vallastjóranum um tapið og að hanst störf beri jafn mikla ábyrgð og árangur leikmanna Arsenal í leiknum er gjörsamlega út úr korti. Ég vona svo sannarlega að vallarstjóri Old Trafford svari Wenger fullum hálsi.

Að Wenger skuli reyna að verja jafn hörmulega frammistöðu leikmanna Arsenal í þessum leik er hreinlega vandræðalegt. Wenger er klárlega svo mikil gunga að hann þorir ekki að halda góða ræðu yfir leikmönnum sínum og segja þeim að frammistaða hafi verið Arsenal til háborinnar skammar.......eða eins og sagt er í Egils Gull auglýsingunum......"ÞIÐ ERUÐ EINS OG FLJÚGANDI SKÍTAKAMRAR Á VELLINUM"...... Gauið Þórðar myndi ekki hika við svona ræðu!

Utd menn og konur. Til hamingju með frábæran leik!


mbl.is Arsene Wenger: Vallarstjórinn átti slæman dag eins og við
Tilkynna um óviðeigandi tengingu við frétt

Það er til fólk sem hugsar fallega

Mér hefur fundist vanta ýmislegt upp á andann hérna í þjóðfélaginu upp á síðkastið. Einhvern veginn finnst mér eins og við Íslendingar séum alltaf meira og minna að bölsótast út í allt og alla. Neikvæðnin veður uppi og virðingaleysið allsráðandi. Við vöðum yfir allt og alla. Erum löngu hætt að hafa trú á dómsvaldinu, launanefndum og pólitíkusum.
Glæpamenn eru umfjöllunarefni í þriðju hverri frétt og allir brjálaðir út í Eyjólf Sverrisson og leikmenn landsliðsins sem eru engan veginn að gefa af sér í landsleikina.

EN!....út úr þessu svartnætti þá fékk ég sólina beint í andlitið og síðan á þriðjudaginn hef ég brosað alveg út að eyrum og hef ég núna alveg tröllatrú á samlöndum mínum. Tala nú ekki um landsliðið.

Þannig er mál með vexti að ég var á fundi niður í miðbæ um hádegisbilið á þriðjudaginn s.l. Ég lagði í stæðið, 100 kall í stöðumælinn. Lagði miðann á mælaborðið. Hugsaði samt sem áður að ég hefði að öllum líkindum keypt of stuttan tíma fyrir stæðið. En ég ákvað bara að láta slag standa og vonaði að þessi fundur myndi ganga vel fyrir sig og ég myndi sleppa áður en tíminn yrði úti og sekt fallin á rúðuþurrkuna. En eins og alltaf þá var fundurinn náttúrulega helmingi lengri en ég áætlaði. Þegar ég gekk loks að bílnum mínum, ásamt vinnufélaga mínum, var ég alveg 100% á því að ég væri kominn með sekt. Ég leit á rúðuþurrkuna og viti menn, það var hvítur miði undir þurrkunni, en ekki sekt! Heldur stöðumælamiði sem dugði til 13.40. Klukkan er 12.20 þegar hér er komið við sögu og miðinn minn hafði runnið út. 11.45

Einhver einstaklega umburðarlyndur og vandlega hugsuð persóna hafði gefið mér tíma, svo ég myndi nú ekki fá sekt.
Ég var svo þrumulostinn og ánægður með lífið á þessari stundu að ég hreinlega gat varla komið upp einu orði. Svo undrandi var ég. Ég sýndi vinnufélaga mínum miðann og honum fannst þetta alveg stórkostlegt. Á meðan ég var að koma mér út úr miðborginni talað ég ekki um annað en þessa yndislegu manneskju sem sýndi mér fram á að umburðarlyndi fyrirfinnst í íslensku samfélagi. Ég var svo bergnuminn að ég áttaði mig ekki á því, fyrr en ég var komin að BSÍ, að ég hélt ennþá á miðanum. Miðanum sem átti ennþá eftir rúma klst. Hvað var ég að hugsa? Af hverju gaf ég ekki einhverjum öðrum miðann, einhverjum sem var að renna út á tíma. Þvílíkur hálfviti var ég. Ég fékk hreinlega fyrir hjartað og samviskubitið át mig að innan.

Er þetta kannski málið með okkur? Umburðarlyndið er til staðar, við erum bara að flýta okkur allt of mikið og hættum að hugsa um náungann. Ég gat ekki annað en hlegið þegar ég fattaði að ég hélt ennþá á miðanum.
Að sjálfsögðu keyrði ég styðstu leið til baka að bílastæðinu og smellti miðanum undir rúðuþurrkuna hjá einum sem átti rétt tæpar 3 mín eftir af sínum bílastæðatíma. Vona bara að hann sé núna brosandi út í heiminn eins og ég.
Tala nú ekki um að einungis 20 mín seinna fékk ég sent sms frá Happadrætti Háskólans. Vinningur vannst á númerið mitt og ég 15.000 krónum ríkari. Núna brosi ég ekki bara út í íslendinga, heldur allan heiminn og syng eins og í auglýsingunni......Til hamingju þið....sem leggið okkur lið....megi lukkan blessa heimilið....

Ég elska ykkur öll

Raggi


Næsta síða »

Um bloggið

Raggi

Höfundur

Raggi
Raggi
Ég er nú hérna bara til að geta tekið þátt í umræðunni, án þess þó að þurfa eiga fyrsta orðið.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband