Ásgeir Elíasson var einstakur

Mér brá í kvöld þegar ég frétti af því að höfðinginn hann Ásgeir Elíasson væri fallinn frá.

 

Þó svo Ásgeir hafi aldrei þjálfað mig þá kynntist ég honum í gegn um boltann. Ég mætti honum mjög oft, hvort sem hann var þjálfari Fram eða Þróttar. Ásgeir var einstaklega góður maður og bar mikla virðingu fyrir öllum. Leikmönnum sínum sem og andstæðingum. Ég efast um að aðrir hafi brosað jafn mikið á sinni æfi og hann Ásgeir. Geislaði af manninum, hvar sem hann var. Með hattinn góða eða ekki og húmorinn var til staðar hvar sem hann kom.

Ég hitti Ásgeir síðast fyrir u.þ.b. 2 vikum á ÍR vellinum eftir Old Boys leik milli ÍR og Stjörnunnar. Ásgeir var að vanda brosandi og hlæjandi og menn heilsuðu honum með virtum. Enda mikils metinn maður þar á ferð. Fyrirmynd allra sem vilja ná árangri.  

Öll hans lið spiluðu skemmtilegan bolta og það skipti litlu sem engu máli hvaða menn voru innan liðsins. Stuttar sendingar og halda boltanum innan liðsins. Mottó sem margir þjálfarar og leikmenn hafa tekið til fyrirmyndar. Enda fáir þjálfarar og leikmenn unnið jafn mikla titla og meistarinn hann Ásgeir

Um leið og ég minnist þessa einstaka karakters, þá vilja ég votta fjölskyldu Ásgeirs mína dýpstu samúð, vinum og ættingjum sem og Frömurum, Þrótturum og ÍR-ingum sem nutu starfskrafta og alúðar þessa einstaka þjálfara og félaga.

 Hvíl í friði Ásgeir.

 

Raggi 

Þeir sem eyddu minnstu töpuðu, eða hvað?

Það er svolítið athyglisvert að bera saman niðurstöður kostningana og tölurnar varðandi auglýsingakostnað

Fljótt á litið þá virðist allt auglýsingarbrallið hafa haft öfug áhrif. Þeir sem bættu mest við sig og "unnu" kosningarnar
virðast hafa eytt minnstu, eða hvað?

Ef við skoðum hinsvegar aðrdraganda kosningana og kannanir

Miðað við kannanir þá er ekki hægt að horfa fram hjá því að fylgi flokka breyttist all verulega.

Þó svo margir segi að VG hafi "unnið" sigur, þá er nokkuð ljóst að engin flokkur tapaði jafn miklu fylgi, miða við niðurstöður kannana í vor og í vetur.

Sjálfstæðisflokkurinn var að mælast um og yfir 40% í könnunum sem sýnir fram á tap, miðað við úrslitin.

Miðað við kannanir þá voru Framsóknarmenn á svipuðum stað og í könunum, nánast engu fylgi. Þannig að það má segja að þeir hafi bætt örlítið við sig undir lokin.

Íslandshreyfingin tapaði fylgi

Frjálslyndir, stóðu nokkurn veginn í stað

En þegar maður rennur yfir þetta þá eru það vissulega ríkisstjórnarflokkarnir, Samfylkingin og Sjálfstæðisflokkur sem unnu! Virkilega spennandi ríkisstjórn sem ég á von á að slái í gegn.

En hvað veit ég...

Kv Raggi

Samfylkingin og Framsóknarflokkur vörðu mestu fé í auglýsingar

Allt sem fer niður virðist fara aftur upp!

Vikan byrjaði á því að Man Utd átti ekki séns í AC. Ég meira að segja gat ekki með góðu móti klárað leikinn! Þvílík upprúllun. En síðustu dagar hafa nú aldeilis verið geggjaðir. Upp úr svartnættinu steig lítill prins. jú jú. Barn númer tvö er komið í heiminn. Hvorki meira né minna. Afskaplega vel heppnað eintak. Allt búið að ganga eins og í sögu. Síðan tekur Enski titilinn á móti manni á þessum fallega sunnudegi. Án þess þó að þurfa horfa á Utd í 90 mín. SIR FERGUSON í LANDSLIÐIÐ TAKK! Ég tel reyndar ekki með árganga mót Fram sem haldið var í Mýrinni í gær. Þar duttum við 76 árgangurinn út í vítaspyrnukeppni á móti 68 kynslóðinnI! Eða hvað maður á að kalla þessa meistara. Þeir jöfnuðu þegar 2 sek voru eftir af leiknum og kláruðu síðan vítakeppnina með Liverpool stæl. En slík var stemmningin í Mýrinni í gær að þetta tap var fljótt að gleymast. Það verður rosaleg stemmningin í Laugardalnum. Fram vs Valur í fyrsta leik. Úff
Síðan kíkti sá hlédragi tengdaföður minn í heimsókn áðan. Aðeins að tékka á nýja prinsinum. Ég spurði karl hvernig hefði gengið ó opnunarmótinu í Grafarhotinu. " Svona tja, tja" og síðan tróð hann upp í sig flottasta kjúklingabitanum á disknum mínum og sagði bara bless. Síðan er maður hérna í vinnunni að ganga frá nokkrum hnútum svo maður geti fyrir alvöru farið að huga að fæðingarorlofinu. Og hvað sé ég. Tengdó númer 2 í mótinu! Ég bara spyr hvernig ætli morgundagurinn verði?

En það er nú víst þannig að allt sem fer upp kemur líka niður. Nema kannski Framsók. Þar er ekkert sem fer upp né niður!

Tja....maður spyr sig!

1/1 á að þú græðir

Nokkrir hundrað þúsund kallar í að kaupa hlutabréf hjá Actavis. Klárlega vinningur. Ef ekkert verður af kaupunum á Merc þá hægir bara aðeins á heimsyfirráðunum. En ef að samningum verður þá verður hægt að bjóða öllum landsmönnum út að borða.
Það er nokkuð klárt.

Hvíla Lottó og kaupa í Actavis

Actavis í hópi fjögurra tilboðsgjafa í hluta af Merck

Ég viðurkenni framhjáhald!

Það er stór undarleg tilfinning að halda með einu liði, sem í mínu tilfellir er Man Utd. En hvetja samt lið eins og Liverpool til dáða þegar maður situr í besta sætinu fyrir framan SÝN. Þetta minnir mig á Egils Gull auglýsinguna þar sem talað er um að halda fram hjá, Barcelona vs Che í síðustu rimmu þeirra í Meistaradeildinni. Þar sem Eiðurs-menn eru búnir að skipta yfir í Barca frá Che. Þannig leið mér í kvöld. Nánast eins og ég væri að halda fram hjá Man Utd, sem ég er búinn að halda með frá því ég var 4 ára.

Merkilegt hvað Liverpool fær mann til að hrífast með og maður missir sig í því að mæra þá til helvítis. Mikið afskaplega þarf ég að hvetja Utd á morgun. Bara svo ég geti horfst í augu við hvíta Utd letrið á treflinum mínum. Tala nú ekki um Utd. te bollann minn.

Ég vona bara svo sannarlega að Man Utd og Liverpool spili til úrslita í Aþenu. Þá getur hver manneskja séð að þetta litla hliðarskref var bara eitthvað stundarbrjálæði og að ást mín á Man Utd verði aldrei haggað. Þetta var bara eitthvað tilfinningalegt ójafnvægi! Þið verðið að trúa mér.

Koma svo Man U.....klárum AC Milan á morgun. GERIÐ ÞAÐ FYRIR SAMVISKU MÍNA!

Liverpool í úrslitaleik Meistaradeildar Evrópu

Fyrsta orðið

Þá er maður loksins búinn að öðlast aðgang að þessum heimi, þökk sé Opera.com. Safari var ekki alveg að tækla þetta.

En verður maður ekki að segja eitthvað úr því maður er byrjaður á þessu. Ég hafði nú samt hugsað mér að eiga ekki fyrsta orðið. Því segi ég nú bara...

"Til hamingju með daginn!"

Síðan er bara að drífa sig út og mótmæla einhverju eða krefjast einhvers.
Ég ætla t.d. að krefjast þess að móðir náttúra komi barni mínu númer 2 í heiminn.

Og hana nú!

En hvað veit ég...